ყველაფერს გავაკეთებთ იმისთვის, რომ ქვეყნის სვლა ევროპული ოჯახისკენ იყოს გარანტირებული

43

საგარეო საქმეთა მინისტრის დავით ზალკალიანის განცხდებით, სამთავრობო პროგრამის ერთ–ერთი პრიორიტეტი არის ევროატლანტიკურ სტუქტურებში სრულფასოვანი ინტეგრაცია.

როგორც ზალკალიანმა ჟურნალისტებთან საუბარში განაცხადა, მნიშვნელოვანია, რომ საშინაო პოლიტიკა იყოს თანხვედრაში საგარეო პოლიტიკასთან.

„ძალიან მნიშვნელოვანია, რომ ახალი სამთავრობო პროგრამის ერთ–ერთი პრიორიტეტი გახლავთ ევროატლანტიკურ სტუქტურებში სრულფასოვანი ინტეგრაცია, რაც არის ასევე გამყარებული ჩვენს კონსტიტუციაში. ეს ქართველი ხალხის არჩევანია და ბუნებრივია, მომავალში ჩვენს საქმიანობაში ევროპულ და ევროატლანტიკურ სტრუქტურებში ინტეგრაცია იქნება უმთავრესი პრიორიტეტი, ისევე როგორც ქვეყნის დეოკუპაცია, არაღიარების პოლიტიკა, საქართველოს პოზიტიური იმიჯის წარმოჩენა ჩვენი ქვეყნის ფარგლებს გარეთ, ქვეყნის მოქალაქეებისთვის იმ ძირითადი უფლებების გარანტირება, რომელიც განსაზღვრულია ქვეყნის კონსტიტუციით. ბუნებრივია, ყველა ის ძირითადი მიმართულება არსებულ სამთავრობო პროგრამაში რჩება საგარეო პოლიტიკის მთავარ პრიორიტეტად და ჩვენ ყველაფერს გავაკეთებთ იმისთვის, რომ ქვეყნის სვლა ევროპული ოჯახისკენ იყოს გარანტირებული და ამისთვის გვჭირდება, რომ საშინაო პოლიტიკა იყოს თანხვედრაში საგარეო პოლიტიკასთან და ეს არის მოცემული ახლა სამთავრობო პროგრამაში“, –განაცხადა დავით ზალკალიანმა.

გააკეთეთ კომენტარი