ვენესუელის დროებითმა პრეზიდენტმა ხუან გუაიდომ საჯარო მოხელეებს დღეს გაფიცვისკენ მოუწოდა. აღნიშნულის თაობაზე ინფორმაციას BBC ავრცელებს.
ვენესუელას დედაქალაქში გამოსვლები გუშინაც გრძელდებოდა, რომლის დროსაც ქვეყნის ეროვნულმა გვარდიამ ცრემლსადენი გაზი გამოიყენა და შედეგად ერთი მომიტინგე დაშავდა. მოგვიანებით ადგილობრივმა უფლებადამცველმა ორგანიზაციებმა განაცხადეს, რომ ქალი, რომლიც აქციაზე დაშავდა, გარდაიცვალა. ეს ფაქტი გუაიდომაც დაადასტურა Twitter-ის გვერდზე.
შეგახსენებთ, რომ რამდენიმე დღის წინ გუაიდომ წინააღმდეგობის ახალი ტალღა დაიწყო.
კრიზისის შედეგად დაძაბულობა გაიზარდა რუსეთსა და აშშ-ს შორისაც. მაიკ პომპეომ ორი დღის წინ CNN-თან საუბარში განაცხადა, რომ მადურო ქვეყნის დატოვებას აპირებდა, როდესაც რუსეთის ოფიციალურმა პირმა მას ეს გადაწყვეტილება შეაცვლევინა. აღნიშნული ფაქტი რუსეთის საგარეო საქმეთა სამინისტრომ უკვე უარყო და აშშ ყალბი ინფორმაციის გავრცელებაში დაადანაშაულა.
გააკეთეთ კომენტარი